Сьмех вясёлы, і магерка, I расшпілены каўнер. Маладосьць мая ў люстэрка Заглядала, а цяпер... Нехта іншы ў шкле няветлым, Шчасьця згінулі сьляды. Капялюш. Пад фэтрам сьветлым Цёмны твар немалады. Гальштук вязаны вясёлкай, А вясёласьці няма. Жухнуць вочы ўсьмешкай ёлкай, Моляць долі, а дарма: Дайце даўнае люетэрка! Хай паўторацца цяпер Маладосьць, мой сьмех, магерка I расшпілены каўнер.
1954
|
|